Fyn motories

'n Kind se vermoë om die klein spiere in sy vingers en hand te gebruik om voorwerpe te manipuleer of beheer.

Waaraan werk ek?

Potloodgreep

Skêr aktiwiteite:

Werk aan beide bilaterale koördinasie en in-hand manipulasie

Spierversterking

Bilaterale koördinasie:

Vermoë om altwee hande saam te gebruik.

In-hand manipulasie:

Vermoë om objekte in een hand te manipuleer.

Spierversterking:

Klei: Maak verskillende beeldjies met klei en laat dit droog word. Laat u kinders eers teken wat hulle wil ontwerp om die aktiwiteit langer uit te strek.

Vind resepte vir klei: https://www.thoughtco.com/modeling-clay-recipes-604165

Leerders kan met rekkies speel en verskillende vorms daarmee maak.
Aktiwiteite wat druk vereis kan ook gebruik word soos gom of glitter kunswerke.
Lego bou waar dele teen mekaar gedruk moet word is ook goeie aktiwiteite.
Sny werk: Kunsaktiwiteite kan soms duur wees. Gebruik voorwerpe wat klaar in die huis is en laat leerders dit op sny. Ou pap bokse, toiletrolle, plastiek bottels(toesig is benodig vir skerp kante) of strootjies. Hierdie items kan gehou word vir 'n kuns aktiwiteit later of weggegooi word na die tyd.

Vir ouer kinders kan patrone op die voorwerpe geteken word. Leerders sukkel gewoonlik met curves of diagonale lyne.

Laat leerders help met skoonmaak. Plaas sponse en waslappe in emmers of die wasbak en vra vir u kind om van die water uit te druk voor hulle die kaste afvee of skottelgoed was. Waslappe of sponse kan ook gebruik word vir 'n speletjie byvoorbeeld om te kyk wie kan eerste die water van een emmer na 'n ander kry.

Kuns aktiwiteit:

Glitter glue

Opsie 1

Wat het jy nodig?

Waspapier

Wit skool gom

Gekleurde glitter

Stappe:

Gooi 'n stuk koerant op jou tafel sodat die huis skoon bly.
Teken enige prent wat maklike buitelyne het op 'n stuk waspapier.
Gaan oor die buitelyne van die prent met die skool gom en gooi die glitter daarop.
Skud die oortollige glitter af en laat die prent 'n dag droog word.
Trek die prent stadig van die waspapier af.

Opsie 2

Versier verskillende projekte:

Papier: jou werkboek vir klas, 'n inkleurbladsy, uitnodigings vir Kersfees ensovoorts.

Teken of kies 'n prent of projek.
Kleur die prent in. (Hierdie stap kan uitgelos word).
Gaan bo-oor die buitelyne van die prent of kleur gedeeltes van die prent met die glittergom in. Afhangende van hoeveel glittergom gekoop is.
Los die gom om droog te word vir een dag.

Let wel van die projekte kan meer as een dag vat om te voltooi. Leerders se hande raak soms vinnig moeg. Kies of teken 'n prent wat maklik genoeg is vir u leerder. Die punt van die glittergom is dik en daarom is klein tekeninge nie altyd prakties nie.

Leerders moet ook pasop om nie per ongeluk hulle prent te smeer met hulle hande nie.

Terug