Hoe kan ek my kind met skrif as ons nie met dieselfde hand skryf nie?
Die stappe van leer skryf bly dieselfde, maar daar is faktore wat in ag geneem moet word.
Ek gaan stap vir stap verduidelik.
Stap 1: Postuur
Postuur is baie belangrik terwyl ons skryf. Groot motoriese vaardighede ontwikkel eerste en u kind se spiere moet sterk genoeg wees om hierdie posisie te kan behou vir ‘n lang tydperk. As u kind sukkel met skryf, is dit goeie idee om ook ‘n paar groot motoriese aktiwiteite deur die dag te doen.
Indien jou kind nog klein is (5 jaar oud of jonger) is hierdie stap nog nie so belangrik nie. Laat kinders sit, staan of lê terwyl hulle voorskrif oefeninge doen. Oefen die sit posisie nog steeds so elke nou en dan, maar wees bewus van jou kind se limiet. Laat u kind progressief vir langer tye stil sit.
Soos u kan sien in die foto moet u kind se voete plat op die vloer wees, hulle rug teen die stoel en hulle nek moet nie te veel af kyk nie. Dit is belangrik om te onthou dat kinders spesiale grootte lessenaars en stoele het by die skool wat gemaak is vir goeie posisionering. Indien u nie so iets by die huis het nie is daar alternatiewe opsies soos ‘n “lapdesk”. Maak net seker u kind se rug is gestut teen ‘n bank of kussings en dat hulle tafel ‘n gemaklike hoogte is.
Stap 2: Potlood greep
Potloodgreep
Stap 3: Papier rotasie
Wanneer ons skryf, wil ons hê die papier moet gedraai wees op ‘n 45 grade hoek. Maak vir u kind ‘n pyltjie in die onderste hoek van die bladsy soos aangedui hier langsaan. Vra dan vir hulle om die pyltjie na hulle naeltjie toe te draai.
Werkkaarte is so opgestel dat die woorde wat leerders moet neerskryf aan die linker kant is. Linkerhand leerders maak dus soms hulle woorde toe met hulle hand terwyl hulle skryf. Hierdie veroorsaak soms dat leerders hulle gewrig krom te trek sodat hulle kan sien wat om te skryf. In die geval sal dit help om die papier te draai, ‘n ekstra werkkaart te hê sodat hulle eerder op daardie bladsy kan kyk. Juffrouens sal ook somtyds hulle werkkaarte verander sodat die leerder die werk eerder onder die oorspronklike stuk skryf en nie langsaan nie.
Stap 4: Voorskrif patrone
Dit is belangrik om voorskrif patrone eerste te leer vir u kind. Jonger leerders begin gewoonlik met hierdie patrone om die vloei van skryf aan te leer. Die meeste van los skrif bestaan uit reguit lyne en kurwes of sirkels. Leerders kan dus oefen om hierdie vorms te maak voordat hulle skryf. Sommige ouer kinders moet ook eerste hierdie patrone in oefen.
Stap 5 : Letter formasie
Letters kan vir leerders in groepe geleer word byvoorbeeld: a, c, d word almal kloksgewys geskryf en het ‘n sirkel as ‘n basis. Verskillende skole doen hulle letter bekendstellings in ander volgordes. Selfs graad R en graad 1 klasse kan varieer. Letters word so aangeleer vir kinders sodat die aanhoudende bewegingspatroon deel word van die leerder se spiergeheue. Vind gerus uit by u kind se juffrou watter letters hulle saam groepeer.
Aangeheg is ‘n pdf dokument wat die formasie van al die letters wys. Dit kan ook gedruk word vir u kind om op te oefen. Volg die nommers by die pyl om te weet watse stroke eerste gemaak word.
Letter formasie.pdf
Terug