Ouditiewe geheue
Die vermoë om ouditiewe inligting te verwerk, stoor en te herroep.
Opgeneemde klanke
Maak 'n opname van verskillende klanke in die huis op jou foon. Byvoorbeeld u se haardroër, water wat loop, die ketel wat kook, die wasgoedmasjien of die hond wat blaf en kyk of u kind die klanke kan herken.
'n Alternatief is om meer as een klank na mekaar te speel. Laat u kind die volgorde van die klanke herhaal.
Musiek instrumente kan ook gebruik word. Maak 'n ritme met u hande of instrument en laat leerders dit kopieer.
Instruksies volg
Gee vir u kind instruksies om te volg. Byvoorbeeld sit jou foon op die tafel.
4-6 jariges behoort twee tot drie instruksies te kan volg.
7-8 jariges behoort drie tot vier instruksies te kan volg.
9 year old behoort vier of meer instruksies te volg.
Polisie speletjie
Nodig: witbord of papier
Hoe om te speel:
Een leerder gaan vir die polisieman/ vrou verduidelik hoe die skelm gelyk het.
Begin maklik met net 3 instruksies bv. Die man het 'n geel hemp aan en blonde hare.
Die polisie luister mooi na al die informasie en teken dan die skets. Aan die einde kyk ons hoe goed hy alles kon onthou.
Indien drie instruksies te maklik is kan meer informasie gegee word. Vir inspirasie kan u kyk na van die karakters van "Guess who" speletjie.
Herhaal 'n storie
Lees 'n storie vir u kind en laat hy die hoofidees vir jou herhaal na die tyd.
Ek gaan op ‘n reis
Besluit saam waarheen julle gaan reis. Mamma begin met ‘n item wat sy wil saam vat (Voorbeeld: ek bring ‘n kussing). Nou moet jy mamma se item herhaal en nog iets saam vat. (Voorbeeld: Ek bring ‘n kussing en ‘n boek). Hou so aan tot iemand van die items vergeet. Nou kan julle die speletjie stop of op ‘n nuwe reis gaan.
Alternatief: Vertel vir u kind waarnatoe u gaan en sê iets wat u gaan saam neem. Die leerder sê iets wat sy of hy wil vat en u besluit of sy dit kan bring of nie. Die speletjie werk op assosiasie u kan besluit of die assosiasie 'n klank gaan wees (alles begin met 'n "s" wat saam gaan) of assosiasie van voorwerpe (alles wat ons by die see nodig het gaan saam). Hou aan goed by las op die lys tot u kind agter kom wat die patroon is.
Terug