Visuele geheue

Wat is anders? Sit drie of 4 goed op die tafel neer en vat hulle weer weg na 'n paar sekondes. Sit weer van die voorwerpe terug en las nog iets by. Leerders moet sê wat anders is of wat bygekom het. Alternatief kan 'n kombers bo oor die voorwerpe gegooi word. 

Geheue kaart speletjies; prentjie kaarte waar daar 2 van soort is kan gebruik word of selfs gewone kaarte. Met gewone kaarte kan leerders soek vir die selfde simbool of nommers. Pak die kaarte onderstebo op die tafel en maak beurte om 2 op 'n slag om te draai. Indien hulle nie pas nie draai die kaarte weer terug. Die persoon met die meeste pakkies wen. 

Koppie speletjie: Gebruik enige koppie wat nie deurskynend is nie en steek iets klein onder een van hulle weg. Meng die koppies terwyl die leerder kyk en laat hy die korrekte koppie kies. Om die speletjie moeiliker te maak, kan meer as 3 koppies gebruik word.   Die koppies kan vinniger beweeg word of meer as een voorwerp kan weggesteek word. 

Tic tac toe: maak die speletjie moeiliker deur nie van 'n teller gebruik te maak nie. Leerders moet dus onthou waar die tellers was. 

Vra u kinders om 'n voorwerp of prent vir u te beskryf nadat hulle dit vir so paar sekondes gesien het.  Gee leidrade soos nodig. 'n Bordspeletjie wat dieselfde doen is Stare Junior 6+.

Teken 'n sirkel, deel dit in 4  en kleur elke gedeelte 'n ander kleur in.  Gebruik jou hande en druk op elke kleur in 'n patroon. Leerders herhaal die patroon. 

Anagram:  skommel 'n woord en  skryf dit op papier of witbord vir u kind. Die leerder probeer verskillende skommelings tot die regte een gevind is. 'n Bordspeletjie wat dieselfde werk is Boggle 6+ of Boggle Junior 3+